Хан-Уул дүүргийн Онцгой байдлын хэлтсээс дүүргийн 3 дугаар хорооны нутаг дэвсгэрт үйл ажиллагаа явуулдаг Гэгээн далай ХХК-ий ТВ5 телевизийн 2 дугаар давхарт гал түймэр гарсан сэдвээр Гал түймэр унтраах тактикийн сургуулийг амжилттай зохион байгууллаа. Сургалтаар гамшигт нэрвэгдсэн хүмүүст эмнэлгийн анхан шатны тусламж үзүүлэх, утаат орчноос аврах ажиллагаа явуулах зэрэг дадлага сургуулийг зохион байгуулсан бөгөөд тус сургуульд Онцгой байдлын хэлтсээс 20 алба хаагч, TВ5 телевизээс 50 ажилтан хамрагдсан байна.