ЧИНГЭЛТЭЙ ДҮҮРГИЙН НОГООН БАЙГУУЛАМЖИЙН ӨЧИГДӨР-ӨНӨӨДӨР
Чингэлтэй дүүргийн ногоон байгууламжууд хэрхэн өөрчлөгдөж, өнгө засч буйг гэрэл зургаар харьцуулан харуулж байна. Чингэлтэй дүүргийн Засаг даргын 2012-2016 оны үйл ажиллагааны хөтөлбөр, “Ногоон дүүрэг” хөтөлбөрийн хэрэгжилтийг хангах ажлын хүрээнд дүүргийн ерөнхий боловсролын сургууль, цэцэрлэгүүд ногоон байгууламжийг нэмэгдүүлэх, арчлан хамгаалах, нөхөн сэргээх чиглэлээр тодорхой ажлуудыг үе шаттайгаар зохион байгуулж амжилттай хэрэгжүүлж байна.
2016 оны 05 дугаар сарын 14-ны “Бүх нийтийн мод тарих өдөр”-ийг тохиолдуулан мод тарих ажилд тус дүүргийн 24 цэцэрлэг, 13 сургууль ба дэргэдэх хэлтэс албадын ажилтан албан хаагчид идэвхитэй оролцож нийт 650 мод, 5500 бут сөөг тарьж ногоон байгууламж болон орчны цэвэрлэгээг хийж ажиллалаа. Тус дүүргийн хэмжээнд ногоон байгууламжийг нэмэгдүүлж мод, бут сөөг тарих ажил ирэх 10 дугаар сарын 15 хүртэл үргэлжилнэ.