Чингэлтэй дүүргийн Засаг даргын Тамгын газраас Соёл, урлагаар дамжуулан иргэдийг соён гэгээрүүлэх, амьдралын нийтлэг соёлыг төлөвшүүлэх, үндэсний соёл урлаг, өвийг сурталчлан таниулах, төрийн үйлчилгээг иргэдэд хүргэх зорилгоор “Бид сайн сайханд дагуулна” өдөрлөг зохион байгуулдаг. Гурав дахь жилдээ  буюу 05 дугаар сарын 22-ны өдөр Соёл, урлагийн Их сургуультай хамтран зохион байгуулах  тус өдөрлөг нь нийслэлийн хэмжээнд анхдагч бөгөөд энэ жилээс бусад дүүрэг үлгэр жишээ авч зохион байгуулж байгаа нь сайшаалтай юм. Өдөрлөгт 15 мянга гаруй иргэн оролцдог бөгөөд энэ өдөрлөгийн хүрээ жилээс жилд өргөжин тэлж байна.