Олон улсын музейн өдрийг тохиолдуулан  2015 оны гэрээгээ дүгнэн, цаашид хамтран ажиллах гэрээнд  Чингэлтэй дүүргийн Засаг дарга Д.Ганболд, Г.Занабазарын нэрэмжит Дүрслэх урлагийн музейн захирал У.Сарантуяа, Улаанбаатар хотын музейн захирал, Соёлын гавьяат зүтгэлэн С.Цацралт нар гарын үсэг зурлаа.  Мөн үеэр дүүргийн шагналаар зарим хүнийг шагнаж урамшуулав.

Чингэлтэй дүүргийн Засаг даргын Тамгын газар, Занабазарын нэрэмжит Дүрслэх урлагийн музей, Улаанбаатар хотын музей хамтран хүүхэд багачууд, иргэдэд түүх, соёл, ёс заншил, Монголын оюуны соёлыг түгээн дэлгэрүүлэх, сурталчлах олон талт ажлуудыг хамтын ажиллагааны гэрээний хүрээнд хэрэгжүүлж ирсэн уламжлалтай юм.