Олон улсын нисэх загварын уралдааны тэргүүн байрыг ЧД-ийн 5 дугаар сургуулийн сурагч З.Чингис эзэллээ
ОХУ-д “нисэх загвар“ үүсч хөгжсөний 90 жилийн ойн нэрэмжит олон улсын нээлттэй тэмцээн 2016 оны 5 дугаар сарын 5-аас 8-ны өдрүүдэд Улан-Үд хотод зохион байгуулагдлаа.
Тэмцээнд Монгол, Буриад, Улан-үдэ, Казакстан улсын баг тамирчид оролцсон бөгөөд тэмцээн F1АВСНG, F2АВ, F4В, F4В1/2 төрлүүдээр гурван насны /14 нас хүртлэх өсвөр үе, 18 нас хүртлэх идэрчүүд, 18 аас дээш насанд хүрэгчдийн/ ангилалаар явагдсан байна.
Нисэх онгоцны үйлдвэрийн дэргэдэх клубууд, дүүргүүдийн болон орон нутгийн зах хязгаарын Залуу зохион бүтээгчдийн станцуудаас нийт давхардсан тоогоор 120 шахам тамирчид оролцсон тэмцээнд Чингэлтэй дүүргийн 5 дугаар сургуулийн 8а ангийн сурагч З.Чингис дасгалжуулагч багш Ц.Бадамдорж /механикч/ F4В төрлөөр 14 хүртэлх насны ангилалд 1-р байр эзэлсэн өндөр амжилтыг гаргалаа. Мөн Монгол улсын тамирчид багаараа түрүүлж алтан медаль цомын эзэд боллоо.
Дашрамд дурдахад 5 дугаар сургуулийн технологийн багш Ц.Бадамдорж 2016 оны техник технологийн олимпиадын Улсын аварга болсон юм.