Зуны  тэргүүн сарын Шинийн 8-ны билигт сайн өдөр  эрдэм ном, эд баялгийн билигдэл болсон Чингэлтэй хайрхан ямархан өнгө төрхтэй байгааг гэрэл зургаар  хүргэж байна. Чингэлтэй дүүргээс Чингэлтэй хайрханы овооны орчныг тохижуулж, байгаль дэлхийгээ шүтэн, дээдлэхийн хамт хайрлан, хамгаалж, хойч үедээ унаган төрхөөр нь өвлүүлэх үүднээс тохижуулж, сүсэгтэн олон, явган аялагчид зорин  очиход зориулж  Эрдмийн цэцэрлэгт хүрээлэн, чулуун шат байгуулах зэргээр өнгө төрхийг нь  сэргээсэн юм. Улаанбаатарчууд зөвхөн Богд хан уулын Цэцээ гүний оргил руу гэхгүйгээр Чингэлтэй хайрхан руу амралт, чөлөөт цагаараа явган аялах нь нэмэгдсээр байгаа билээ.