Хөдөлмөрийн хүнд нөхцөлд ажилладаг хүн өндөр насны  тэтгэвэрт гарахдаа насны хөнгөлөлт  эдэлдэг. Нийгмийн даатгалын сангаас  олгох тэтгэвэр, тэтгэмжийн тухай хуульд зааснаар нийтдээ 20-иос доошгүй  жил, үүнээс 10-аас доошгүй жил нь газрын дор ажиллаж, тэтгэвэрийн даатгалын шимтгэл төлсөн эрэгтэй 55 нас хүрсэн, мөн нийтдээ 20-иос доошгүй жил, үүнээс 10-аас доошгүй жил нь хөдөлмөрийн  халуун нөхцөлд ажиллаж, тэтгэврийн даатгалын шимтгэл төлсөн эрэгтэй 55 нас хүрсэн, түүнчлэн нийтдээ 20-иос доошгүй жил, үүнээс долоон жил зургаан сараас  доошгүй хугацаагаар мөн нөхцөлд ажиллаж, тэтгэврийн даатгалын шимтгэл  төлсөн эмэгтэй 50 нас хүрсэн даатгуулагч өндөр насны тэтгэвэр тогтоолгох эрхтэй.