“Амар тайван-Чингэлтэй” хөтөлбөрийн хүрээндЦагдаагийн 2 дугаар хэлтэс уулзалтын өрөөтэй болов
“Амар тайван-Чингэлтэй” хөтөлбөрийн хүрээнд Чингэлтэй дүүрэг дэх Цагдаагийн 2 дугаар хэлтсийн байрны 1 дүгээр давхарт шилэн уулзалтын өрөө, 3 дугаар давхарын хурлын заалны засварын ажлыг дуусган ашиглалтад орууллаа. Мөн хэлтсийн байрны дотоод хяналтын 28 ширхэг камерийг бүрэн системийн хамт иж бүрнээр нь суурилуулан хүлээлгэж өгөв. Уг арга хэмжээнд дүүргийн Иргэдийн Төлөөлөгчдийн Хурлын Зохион байгуулалтын хэлтсийн дарга Ж.Ганбат, Засаг даргын Тамгын газрын Захиргаа, хуулийн хэлтсийн Эрх зүйн мэргэжилтэн Л.Ариунзаяа, Санхүү, төрийн сангийн хэлтсийн Орон нутгийн өмч хариуцсан мэргэжилтэн Д.Амарбаясгалан, Цагдаагийн 2 дугаар хэлтсийн Төлөвлөлт, зохион байгуулалтын хэлтсийн ахлах мэргэжилтэн Д.Доржсүрэн нар оролцлоо.