Чингэлтэй дүүргийн Ахмадын хорооноос Ахмадын зөвлөлийн дарга нарын ээлжит семинарыг 5 дугаар хороон дээр зохион байгууллаа. Семинараар ахмадын зөвлөлүүдээс 2015 оны ажлаараа 3 дугаар байранд шалгарсан 5 дугаар хорооны ахмадын зөвлөлийн ажилтай танилцаж, туршлага, мэдээлэл харилцан солилцов.  Ахмадын хорооны дарга А.Зул цаг үеийн ажлын талаар мэдээлэл хийж үүрэг даалгавар өглөө. Семинарын дараа “Талимаа эмнэлэг”-ийн нүдний их эмч Анагаах ухааны магистер, Клиникийн профессор, Тэргүүлэх зэргийн эмч Д. Янжиндуламыг урьж “Нүдээ хамгаалах, нүдний даралт”, “Үе мөчний өвчнөөс урьдчилан” сэргийлэх талаар сургалт явуулан гарын авлага материалаар хангав.