Чингэлтэй дүүргийн Засаг дарга Д.Ганболд, Засаг даргын Санхүү, эдийн  засгийн асуудал хариуцсан орлогч Ж.Эрдэнэбат, Засаг даргын Тамгын газрын Санхүү, төрийн  сангийн хэлтсийн дарга Ж.Орхонбаяр нар дүүргийн зарим бүтээн байгуулалтын явцтай танилцлаа. Энэ үеэр ерөнхий боловсролын 39 дүгээр сургуулийг түшиглэн барьж буй дүүргийн Спорт цогцолборт  очлоо. Цогцолборын гүйцэтгэгчээр “Люксвүүд Хаус” компани ажиллаж байна. 1000 хүний суудалтай Спорт цогцолборын ажил 50 орчим хувийн гүйцэтгэлтэй явааг компаний удирдлагууд танилцуулсан юм.