Нийслэлийн Засаг даргын А/263 дугаар тоот захирамжийн дагуу нийслэлийн хэмжээнд цэргийн жинхэнэ алба хаах хугацааг дуусгаж, бэлтгэлээр халагдсан байлдагч, түрүүчийг хүлээн авах, цэргийн жинхэнэ албанд залуучуудыг татах, гэрээт цэргийн албанд элсүүлэх ажил өнөөдөр эхэлж байна.  Хан-Уул дүүргийн хувьд Яармагийн 34 дүгээр сургууль дээр энэ оны нэгдүгээр ээлжийн цэрэг татлагын ажил болж байгаа юм. Үйл ажиллагааг нээж дүүргийн Засаг дарга Ж.Ганхуяг үг хэлж, цэрэг татлагын ажилд залуучуудыг идэвхтэй оролцохыг хүслээ.