Чингэлтэй дүүргийн 61 дүгээр сургуулийн “Нүүдэлчдийн өв” чуулга ОХУ-д тоглолт хийлээ
Чингэлтэй дүүрэг, ОХУ-н Саха улсын Хангалас дүүргийн хооронд байгуулсан хамтын ажиллагааны санамж бичгийн хүрээнд Покровск хотын 1 дүгээр сургуультай боловсрол соёл, спортын чиглэлээр 2020 он хүртэл хамтран ажиллах хэлэлцээрийн эхний үйл ажиллагаа 2016 оны 4 дүгээр сарын 17-оос 4 дүгээр сарын 27-ны өдрүүдэд амжилттай явагдлаа.
Монгол уламжлал, ёс заншил нүүдэлчин соёлын үнэт илэрхийлэл, дэлхийн соёлын гайхалтай өв болсон бий биелгээ, ардын дуу, бүжиг, хөгжмийн “Нүүдэлчдийн өв” тоглолтыг багш сурагчдын хамтарсан 37 хүний бүрэлдэхүүнтэй зохион байгуулж, Буриад улсын Улан-Үд хот, Сахагийн Хангалас дүүргийн Нэмүгү, Мохсоголлох, Покровск хотуудад 4 удаагийн тоглолт хийлээ. Тоглолтонд хүүхдийн урлагийн наадмын хошой алтан медальт, ОУлсын хүүхдийн Алтан гадас наадмын дэд байрын шагналт “Дорнын хүрээ” бүжгийн хамтлаг, бий биелээчдийн улсын наадмын тэргүүн байрын шагналт “Талын бийчид” хамтлагийнхан оролцож “Эх түүхийн улбаа”, “Тайгын хөг” хэмээх шинэхэн бүтээлүүдээ сонирхуулсан.