Чингэлтэй дүүргийн Иргэдийн Төлөөлөгчдийн Хурлын Иргэний оролцооны хэлтэс, Ахмадын хороо хамтран Монголын радиогийн “Алтан сан радио”-той дүүргийн ахмад настнуудыг уулзууллаа. Уулзалтыг 14 дүгээр хорооны Иргэний танхимд зохион байгуулж, 200 гаруй ахмадууд оролцож санал бодлоо харилцан солилцож радиогийн алтан сан хөмрөгийн талаар Алтан сан радиогийн ерөнхий редактор Лхагвасүрэн, албан хаагчид танилцуулга мэдээлэл хийлээ. Мөн тус радиотой хамтран ажилладаг Клиникийн нэгдсэн 2 дугаар эмнэлгийн нүдний тасаг, хоол судлал, физик эмчилгээний эмч, сувилагч нар оролцож Эрүүл зөв хооллолт, нүдээ хэрхэн арчлан хамгаалах, дасгал хөдөлгөөний ач холбогдлын талаар сургалт явуулж, гарын авлага материалаар хангасанд ахмад настнууд талархалтай байлаа.