ӨнөөдөрУИД-ээс АСА Цирк хүрэх зам АВТОМАШИНГҮЙ ГУДАМЖ БОЛНО
НИТХ-ын Тэргүүлэгчдийн ээлжит хуралдаан өнөөдөр болж хуралдаанаар Автомашингүй гудамж төслийг хэрэгжүүлэх зорилгоор нийслэлийн 2016 оны газар зохион байгуулалтын төлөвлөгөөнд өөрчлөлт оруулах тухай асуудлыг хэлэлцэн баталлаа.
Ингэхдээ хотын хамгийн их төвлөрөл ихтэй байршлуудыг сонгон автомашингүй гудамж болгохоор төлөвлөөд байсан бөгөөд дөрвөн байршилд төслийг хэрэгжүүлэхээр Нийслэлийн ИТХ-ын Тэргүүлэгчдийн хуралдаанаар тогтоосон.
Гудамж төслийн танилцуулгаар Сүхбаатар дүүрэг, дөрөвдүгээр хороо, Хичээнгүй сайд Б.Цэрэндоржийн гудамжны цэцэрлэгт талбай орчим буюу Их дэлгүүрээс АСА цирк хүртэлх талбайн газар доор олон нийтэд зориулсан амрах талбайтай, худалдаа, үйлдвэрлэл үйлчилгээ бүхий байгууламж барихаар төлөвлөсөн байна. Мөн одоо байгаа цэцэрлэгт талбайг шинээр тохижуулах юм байна.
Гэхдээ төсөл бүрэн хэрэгжиж дууссаны дараа хоёр талын замын хөдөлгөөнийг ажлын өдрүүдэд хаахгүй зөвхөн амралтын өдрүүдэд бүрэн хааж, харин газар доогуур хийсэн байгууламж бүхий гудамж нь ямар ч үед автомашингүй байхаар тооцжээ.
Газар доогуур барих байгууламжийн нийт талбай нь 9,940 метр квадрат, худалдаа үйлчилгээний нийт талбай нь 6,640 метр квадрат, олон нийтийн гудамж зам талбай нь 3,500 метр квадрат байна гэж төлөвлөсөн байна. Газар доогуурх байгууламжид нийтдээ есөн гарц хийхээс гадна байгууламж руу орох гарц орчимд автомашины зогсоол хийхээр урьдчилсан зураг гарсан байна.Энэхүү төслийг хувийн хэвшлийн хөрөнгө оруулалтаар хэрэгжүүлэх бөгөөд хоёр жилийн хугацаанд барьж ашиглалтад оруулах боломжтой гэж үзжээ.
Нийслэлийн ИТХ-ын Тэргүүлэгчид, гудамжны тохижилтыг хийхдээ Монголын ёс заншил уламжлалыг харуулсан хэв маягтай байх нь чухал гэдгийг онцолж байлаа. Мөн Улаанбаатар хотын ерөнхий төлөвлөгөө болон Улаанбаатар-метро төслүүдтэй уялдуулах, автомашингүй болсон гудамж замуудын ойролцоо авто зогсоолын асуудлыг заавал шийдвэрлэх нь чухал гэсэн саналуудыг хэлж байсан юм.
Гудамж төслөөс, Улаанбаатар хотын ерөнхий төлөвлөгөөнд уялдуулж ерөнхий зураг гаргасан. Төсөл сонгон шалгаруулалтаар газар эзэмших эрх авсан компани зураг төслөө гаргаж батлуулах ёстой. Энэ байгууламж баригдсанаар Улаанбаатар метро төслийн буудал болон төлөвлөлтөд ямар нэг өөрчлөлт орохгүй. Авто зогсоолын асуудлыг давхар шийдэхээр төлөвлөлтөд тусгасан гэсэн тайлбар өглөө. Нийслэлийн ИТХ-ын Тэргүүлэгчид энэхүү асуудлыг дэмжин нийслэлийн 2016 оны газар зохион байгуулалтын төлөвлөгөөнд өөрчлөлт оруулахаар тогтоол баталлаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
НИЙСЛЭЛИЙН 2016 ОНЫ ГАЗАР ЗОХИОН БАЙГУУЛАЛТЫН
ТӨЛӨВЛӨГӨӨНД ОРУУЛАХ НЭМЭЛТ ӨӨРЧЛӨЛТ
Нэг. Автомашингүй гудамж төслийн хүрээнд хэрэгжүүлэх чиглэлээр
| № | Газар ашиглалтын бүс /Дүүрэг, хороо/ | Эзэмшүүлэх, ашиглуулах газрын байршил | Зориулалт | Газрын хэмжээ /га/, /км/ | Санал өгсөн байгууллага | Хугацаа |
| Дуудлага худалдаагаар | Төсөл сонгон шалгаруулалтаар | |||||
| 1 | Чингэлтэй дүүрэг, 1-р хороо | “Эрдэнэс Монгол ХХК” “50-р байр”-ны дундах талбай /ХЕТ-ний дагуу/ | Аж ахуйн нэгж, байгууллагын | 235 м2 | Гудамж төсөл | I-IV улиралд |
| 2 | Чингэлтэй дүүрэг, 1-р хороо | “Эрдэнэс Монгол ХХК” “Нийслэлийн өмчийн харилцааны газар”-ийн дундах талбай /ХЕТ-ний дагуу/ | 250 м2 | Гудамж төсөл | I-IV улиралд | |
| Аж ахуйн нэгж, байгууллагын | ||||||
| 3 | Чингэлтэй дүүрэг, 1-р хороо | “Хангарьд ордон”-ийн хойд талд /ХЕТ-ний дагуу/ | 576 м2 | Гудамж төсөл | I-IV улиралд | |
| 4 | Чингэлтэй дүүрэг, 1-р хороо | “НЗДТГ-ын спорт заал”-ын баруун талд | 275 м2 | Гудамж төсөл | I-IV улиралд | |
| 5 | Чингэлтэй дүүрэг, 1-р хороо | ХЕТ-ний дагуу “Гар утасны худалдааны төв”-ийн зүүн хойд талд /замын хойд тал/ | 103 м2 | Гудамж төсөл | I-IV улиралд | |
| 6 | Чингэлтэй дүүрэг, 1-р хороо | “Боди тауэр”-ын баруун талд /ХЕТ-ний дагуу/ | 233 м2 | Гудамж төсөл | I-IV улиралд | |
| 7 | Чингэлтэй дүүрэг, 1-р хороо | “Хөрөнгийн бирж”-ийн баруун тал /ХЕТ-ний дагуу/ | (Бусдын эзэмшил газартай давхцсан,зөвхөн нэг загварт оруулах) | 205 м2 | Гудамж төсөл | I-IV улиралд |
| 8 | Чингэлтэй дүүрэг, 1-р хороо | “Монголын шуудан холбоо”-ны зүүн хойд талд /ХЕТ-ний дагуу/ | 268 м2 | Гудамж төсөл | I-IV улиралд | |
| 9 | Чингэлтэй дүүрэг, 1-р хороо | ХЕТ-ний дагуу “Гар утасны худалдааны төв”-ийн баруун хойд талд /замын хойд тал/ | 173 м2 | Гудамж төсөл | I-IV улиралд | |
| 10 | Чингэлтэй дүүрэг, 1-р хороо | ХЕТ-ний дагуу “Гар утасны худалдааны төв”-ийн урд тал, зүүн талд /замын хойд тал/ | 435 м2 | Гудамж төсөл | I-IV улиралд | |
| 11 | Чингэлтэй дүүрэг, 1-р хороо | “Төрийн банк”-ны баруун урд талд /ХЕТ-ний дагуу/ | 68 м2 | Гудамж төсөл | I-IV улиралд | |
| 12 | Чингэлтэй дүүрэг, 1-р хороо | “Гар утасны худалдааны төв”-ийн хойд талд /замын урд тал/, Францын элчин сайдын яамны хашааны дагуу /ХЕТ-ний дагуу/ | 836 м2 | Гудамж төсөл | I-IV улиралд | |
| 13 | Чингэлтэй дүүрэг, 1-р хороо | “Жи-мобайл”-ын урд тал, зүүн тал /ХЕТ-ний дагуу/ | 300 м2 | Гудамж төсөл | I-IV улиралд | |
| 14 | Чингэлтэй дүүрэг, 1-р хороо | “4а-р байр”-ны хойд, зүүн талд /ХЕТ-ний дагуу/ | 234 м2 | Гудамж төсөл | I-IV улиралд | |
| 15 | Чингэлтэй дүүрэг, 1-р хороо | “Засгийн газрын 4-р байр”-ны зүүн урд талд /ХЕТ-ний дагуу/ | 127 м2 | Гудамж төсөл | I-IV улиралд | |
|
16 |
Сүхбаатар дүүрэг, 4 дүгээр хороо |
Хичээнгүй сайд Б.Цэрэндоржийн гудамжны цэцэрлэгт талбайд /ХЕТ-ний дагуу/ |
Аж ахуйн нэгж, байгууллагын |
10000 м2 |
Гудамж төсөл |
I-IV улиралд |
