Ерөнхий сайдын нэрэмжит цомыг ЧД-ийн Засаг даргын дэргэдэх 22 алба, хэлтсээр аялуулжээ
Чингэлтэй дүүргийн Засаг дарга Д.Ганболд Ерөнхий сайдын нэрэмжит “Олимпийн хөгжлийг дэмжих сан”-гийн цом, Нийслэлийн Засаг даргын нэрэмжит “Улаанбаатар-Марафон-2016” цомыг Засаг даргын дэргэдэх Биеийн тамир, спорт хорооны дарга Р.Очирпүрэвт гардуулан өгсөн.
Ерөнхий сайдын нэрэмжит “Олимпийн хөгжлийг дэмжих сан”-гийн цомыг Биеийн тамир, спорт хорооныхон Чингэлтэй дүүргийн Засаг даргын дэргэдэх 22 алба, хэлтсээр аялуулж, 2016 оны 4 дүгээр сарын 14-ний өдөр Засаг даргын Тамгын газрын дарга А.Дамцагдоржид гардуулан өгөв. Тус цомыг Засаг даргын Тамгын газрын хэлтсүүдээр аялуулж Сонгинохайрхан дүүрэгт шилжүүлнэ.
Мөн өдөр Нийслэлийн Засаг даргын нэрэмжит “Улаанбаатар Марафон-2016” цомыг Засаг даргын Тамгын газарт ирүүллээ. Цомыг дүүргийн Засаг даргын Тамгын газар, Засаг даргын дэргэдэх хэлтэс, алба, дүүргийн аж ахуйн нэгж байгууллагууд, сургууль, цэцэрлэгүүдээр аялуулах юм.