“СУРГУУЛИЙН ТЭТГЭЛЭГТ ХӨТӨЛБӨР”-ийн 2 дугаар шатны шалгаруулалтад оролцсон ЕБС-ын төсөл 100 хувь шалгарлаа
Боловсролын чанарын шинэчлэлийн хүрээнд бага боловсролын эх хэл, байгалийн ухаан ба математикийн сургалтын чанар, үр дүнг сайжруулж, сургуулийн түвшинд төлөвлөлтийг бэхжүүлэх замаар бага боловсролын чанарыг сайжруулахад энэхүү үйл ажиллагаа бүхэлдээ чиглэгдэх бөгөөд Дэлхийн банкны олон улсын хөгжлийн ассоциацийн хөнгөлөлттэй зээл болох 30 сая ам. доллароор санхүүжигдэн 2015 оны 11 дүгээр сараас эхлэн хэрэгжиж эхлээд байна.
“Боловсролын чанарын шинэчлэл” төслийн Бага боловсролын сургалтын чанарыг сайжруулах төсөлд 14.9 сая ам.доллар зарцуулагдах бөгөөд ерөнхий боловсролын сургуулиудын дунд СУРГУУЛИЙН ТЭТГЭЛЭГТ ХӨТӨЛБӨР-ийг зарлан 2015-2017 оны хооронд улсын хэмжээнд 3 үе шаттайгаар тэтгэлэг олгох юм.
Чингэлтэй дүүргийн хэмжээнд бага ангитай төрийн өмчийн 12 сургууль үйл ажиллагаа явуулж байгаа ба сургуулиуд төслийн саналаа илгээж одоогоор 12 сургуулийн 14 төсөл 84 225 805 төгрөгний тэтгэлэг авахаар шалгараад байна. Сургуулийн тэтгэлэгт хөтөлбөрийн II шатны шалгаруулалтад идэвх санаачилгатай, бүтээлч хандаж ажилласан нийт ерөнхий боловсролын сургуулийн хамт олондоо талархаж байна. II шатны шалгаруулалтад оролцохоор бичсэн бүх төсөл 100% шалгарсан байна.
ЕРӨНХИЙ БОЛОВСРОЛЫН СУРГУУЛИЙН ШАЛГАРСАН ТӨСЛҮҮД
№ | Сургуулийн нэр | Нийт хүүхдийн тоо | Төслийн нэр | Санхүүжилт |
1 | 5 дугаар сургууль | 2939 | Стем боловсрол ба математикийн сургалтыг хөгжүүлэх нь | 6 000 000 |
2 | 17 дугаар сургууль | 2006 | Хүүхэд хөгжүүлэх клуб | 6 000 000 |
3 | 23 дугаар сургууль | 3224 | Байгалийн ухааны танин мэдэхүйн нээлттэй танхим | 6 134 000 |
4 | Роботикс хүүхэд | 5 800 000 | ||
5 | 24 дүгээр сургууль | 2707 | Сурагчдын хэл авьяасыг нээн хөгжүүлэх танхим | 6 138 510 |
6 | Үндэсний өв соёлоор бахархах зан заншлын өргөө байгуулах | 6 000 000 | ||
7 | 37 дугаар сургууль | 1966 | Байгалийн ухаан математикийн хичээлийн чанар үр дүнг сайжруулах сургалтын хэрэглэгдэхүүнийг нэвтрүүлэх нь | 6 000 000 |
8 | 39 дүгээр сургууль | 1646 | Амьдрах чадварт суралцах үйл ажиллагаа ба танхимын сургалт | 6 095 095 |
9 | 49 дүгээр сургууль | 1136 | Өсвөрийн хөгжимчид | 6 000 000 |
10 | 50 дугаар сургууль | 1997 |
Нүүдлийн театр |
6 058 200 |
11 | 57 дугаар сургууль | 1355 | Мини театр | 6 000 000 |
12 | 61 дүгээр сургууль | 1193 | Байгалийн бичил музей | 6 000 000 |
13 | 72 дугаар сургууль | 1894 | Монгол ёс заншлаасаа суралцацгаая | 6 000 000 |
14 | 117 дугаар сургууль | 1372 | Өсвөрийн морин хуурчдын дугуйлан | 6 000 000 |