“Нийгмийн ажилтны нөлөөлөл” III зөвлөгөөн боллоо
Хүн амын хөгжил, нийгмийн хамгааллын ажилтны өдрийг угтан хэрэгжүүлж буй “Нийгмийн хөгжилд-Бидний оролцоо” аяны хүрээнд нийгмийн ажилтнуудын мэргэжил, ур чадварыг дээшлүүлэх, салбар дундын хамтын ажиллагааг эрчимжүүлэх зорилгоор “Нийгмийн ажилтны нөлөөлөл” III зөвлөгөөнийг зохион байгууллаа. Уг зөвлөгөөнд салбар бүрийн 100 гаруй нийгмийн ажилтнууд оролцож нийгмийн ажлын өнөөгийн байдал болон тулгамдсан асуудлаа ярилцаж цаашид асуудлыг хэрхэн шийдвэрлэн хамтран ажиллах арга замаа тодорхойлсон бөгөөд Монголын үг урлаачдын нийгэмлэгийн тэргүүн Г.Бандицэрэн “Стресс бухимдлаас хэрхэн өөрийгөө хамгаалах болон эерэг харилцаа”-ны талаар, Монголын мэргэжлийн Нийгмийн ажилтнуудын холбооны тэргүүн Б.Сүх-Очир “Шинээр батлагдсан хууль, эрх зүйн орчин, ёс зүйн дүрэм, стресс тайлах аргууд” зэрэг сэдвээр илтгэл уншиж Нийгмийн ажилтнууд мэдлэг, чадварыг нь дээшлүүллээ.