Чингэлтэй дүүргийн удирдлагууд АВТОЗАМЫН бүтээн байгуулалтын ажилтай танилцаж, үүрэг өглөө
Чингэлтэй дүүргийн 16 дугаар хорооны нутаг дэвсгэр Хайлаастын эцэс, “ХААН” банктай уулзвараас баруун тийш 650 метр үргэлжлэх автозам, 10 дугаар хорооны нутаг дэвсгэрт Далан давхараас 10 дугаар хороо,
Далан давхраас Дэнжийн 1000-ын нарийн замыг холбосон 600м авто замын ажил эрчимтэй үргэлжилж байна. Эдгээр байгалийн чулуун болон бетонон хучилттай авто замуудыг дүүргийн төсвийн хөрөнгөөр “Чингэлтэй дүүргийн Тохижилт, үйлчилгээ” ХХК-ийнхан хийж, гүйцэтгэж байгаа юм.
Чингэлтэй дүүргийн Засаг дарга Д.Ганболд автозамуудын бүтээн байгуулалт, ажлын явцтай газар дээр танилцаж, холбогдох албаны хүмүүс, гүйцэтгэгч компанийнханд заавар, зөвлөгөө, үүрэг, чиглэл өгч ажилладаг.
10 дугаар хорооны автозамын суурийн бүх ажлууд, ус зайлуулах хоолой зэргийг тавьж замын хучилт хийх л үлджээ. 16 дугаар хорооны нутаг дэвсгэрийн замын суурь ажлууд дуусч байгалийн чулуун хучилтын ажил ид үргэлжилж байна.