Хан-Уул дүүргийн 2, 3 дугаархорооны нэхмэлийн шар байруудад төсөл хэрэгжүүлэгч “Фужи холдинг ББСБ” ХХК, “Рендербау” ХХК-иудын төсөл хэрэгжүүлэх эрхийг цуцалсантай холбоотой захирамжийг танилцуулах хурлыг оршин суугч, иргэдийн хүсэлтээр зохион байгууллаа.

Уг хуралдаанаар хэлэлцсэн асуудал:

1. Нийслэлийн Засаг дарга бөгөөд Улаанбаатар хотын захирагч Э.Бат-Үүлийн 2016 оны 03 сарын 29-ны А/252, А253 дугаар захирамжийн танилцуулга. /Нийслэлийн Ерөнхий төлөвлөгөөний газар/

2. Нэхмэлийн шар байрнуудын 1, 2 дугаар багцыг задалж, шинээр багцлах тухай /Иргэд/ зэрэг асуудлаар хэлэлцэж, дараах шийдэлд хүрчээ.

Үүнд:

1. Багцыг дахин шинээр хуваах саналаа тухайн байрны иргэдээр хэлэлцүүлэн нэгдсэн шийдвэр гарган хорооны Засаг даргаар уламжлуулан ирүүлэх.

2. Дараагийн сонгон шалгаруулалтыг яаралтай зарлаж  2016 оны 04 дүгээр сарын 25-ны дотор зохион байгуулж төсөл хэрэгжүүлэгчийг тодруулах шаардлагыг НЕТГ-ын ахлах С.Эрдэнэцэцэгээр дамжуулан НЕТГ-ын удирдлагуудад уламжлахаар боллоо.

ХАН-УУЛ ДҮҮРГИЙН ЭДИЙН ЗАСАГ ТӨЛӨВЛӨЛТИЙН ХЭЛТЭС