2016 оны дөрөвдүгээр сарын 04-нөөс дөрөвдүгээр сарын 11-нийг хүртэлх
7 хоногийн цаг агаарын урьдчилсан мэдээ

- Хугацааны дунд үеэр нутгийн зүүн хэсгээр хүчтэй салхи шуургатай хүйтэн байна - 

Баруун аймгуудын нутгаар:  4-нд Хангайн уулсаар бага зэргийн хур тунадас, 9-нд нутгийн баруун хэсгээр, 10-нд нутгийн зүүн хагаст хур тунадас уулархаг нутгаар нойтон цас орно. Салхи 4,7-8нд Алтайн уулсаар, 9-10-нд зарим газраар 14-16м/с хүрч шороон болон цасан шуурга шуурна. 7-9-нд нутгийн хойд хагаст шөнөдөө 5-10 хэм хүйтэн өдөртөө 5-10 хэм дулаан, нутгийн өмнөд хагаст шөнөдөө 1-6 хэм өдөртөө 15-20 хэм хүрч дулаарна. Бусад хугацаанд Увс, Баянхонгорын хойд, Завханы зүүн хэсгээр шөнөдөө 10-15 хэм хүйтэн өдөртөө 1 хэм хүйтнээс 4 хэм дулаан, Алтайн өвөр говиор шөнөдөө 0-5 хэм хүйтэн өдөртөө 11-16 хэм дулаан, бусад нутгаар шөнөдөө 4-9 хэм хүйтэн өдөртөө 6-11 хэм дулаан байна.

Төвийн аймгуудын нутгаар: 4-5нд Хөвсгөл, Хангайн уулархаг нутгаар бага зэргийн хур тунадас орно. 6-нд нутгийн хойд хэсгээр, 10-нд зарим газраар хур тунадас уулархаг нутгаар нойтон цас орж шороон ба цасан шуурга шуурна. Салхи 6,10-нд зарим газраар 14-16м/с хүрч ширүүснэ. 8-10-нд ихэнх нутгаар дулаарч 9-10-нд тал хээрийн нутгаар шөнөдөө 0-5 хэм өдөртөө 10-15 хэм  дулаан байна. Бусад хугацаанд хүйтэвтэр хавсаргатай. 6-нд хүйтэрч Дархадын хотгор, Ерөө, Туул, Тэрэлж, Хэрлэн голын хөндийгөөр шөнөдөө 10-15 хэм хүйтэн өдөртөө 2 хэм хүйтнээс 3 хэм дулаан, бусад нутгаар шөнөдөө 5-10 хэм хүйтэн өдөртөө 4-9 хэм дулаан байна.

Зүүн аймгуудын нутгаар: 6,11-нд зарим газраар, 8-нд нутгийн зүүн хэсгээр бага зэргийн хур тунадас орно. Салхи 6-нд зарим газраар түр зуур 18-20м/с, 7-8, 11-нд 12-14м/с хүрч шороон болон цасан шуурга шуурна. 9-10-нд ихэнх нутгаар шөнөдөө 0-5 хэм хүйтэн өдөртөө 10-15 хэм хүрч дулаарна. Бусад хугацаанд Хэрлэн, Онон, Улз, Халх голын хөндийгөөр шөнөдөө 8-13 хэм хүйтэн өдөртөө 3-8 хэм дулаан, бусад нутгаар шөнөдөө 4-9 хэм хүйтэн өдөртөө 6-11 хэм дулаан байна. 6-нд ихэнх нутгаар хүйтэрнэ.

Говийн аймгуудын нутгаар: 11-нд нутгийн хойд хэсгээр бага зэргийн хур тунадас орно. Салхи 6,11-нд зарим нутгаар, 10-нд Арц Богдын өвөр хоолойгоор түр зуур 16-18 м/с хүрч шороогоор шуурна. 6-нд нутгийн зүүн хэсгээр хүйтэн хавсаргатай. Бусад хугацаанд ихэнх нутгаар шөнөдөө 1 хэм хүйтнээс 4 хэм дулаан өдөртөө 13-18 хэм дулаан, ялангуяа 8-10-нд шөнөдөө 1-6 хэм өдөртөө 16-21 хэм хүрч дулаарна.

Ирж буй өдрүүдэд Улаанбаатар хотод цаг агаар ямар байх талаарх мэдээллийг ЭНДЭЭС үзнэ үү...