Өнөөдөр Богд ууланд гал гарч байгаа талаар иргэд цахим сүлжээнд мэдээллэсэн юм. Харин НОБГ-аас галыг бүрэн унтраасан байна. Тодруулбал Хан уул дүүргийн 11 дугаар хороо, Богинын ам гэдэг газар таван га газрын хөрс шатаж байна гэсэн дуудлага Нийслэлийн онцгой байдлын газарт 16.18 цагт иржээ. Дуудлагын дагуу Нийслэлийн онцгой байдлын аврах 14 дүгээр ангийн алба хаагчид галыг унтраахаар ажиллаж, 17.30 цагт бүрэн унтрааж дууссан байна.