Түрээсийн орон сууцанд орох хүсэлтэй байгалийн гамшиг, гэнэтийн аюулд өртөж орон гэргүй болсон иргэд болон төрийн албан хаагчдыг өнөөдрөөс бүртгэж эхэлнэ. 

Гэнэтийн аюулд өртөж орон гэргүй болсон иргэдэд түрээсийн орон сууцнаас таван хувийн квотыг олгожээ. Өөрөөр хэлбэл, эдгээр иргэдэд 39.3 ам метр хэмжээтэй хоёр өрөө байр 10, 49. 23 ам метртэй хоёр өрөө байр долоог хуваарилжээ. Иргэд бүртгүүлэхдээ журманд заасны дагуу материалыг бүрдүүлэхээс гадна байгалийн гамшиг, гэнэтийн аюулаас болж орон гэргүй болсон иргэд нийслэлийн гамшгаас хамгаалах төрийн байгууллагын дүгнэлтийг хавсаргасан бичиг баримтыг бүрдүүлэх ёстой юм.