Чингэлтэй дүүргийн Засаг даргын дэргэдэх Өсвөрийн шигшээ багийнхан улсын аварга боллоо
Монголын Мини сагсан бөмбөгийн холбооноос ерөнхий боловсролын сургуулиудын 14 хүртэлх насныхны дунд “U14” мини сагсан бөмбөгийн улсын аварга шалгаруулах тэмцээнийг зохион байгуулж Онцгой байдлын ерөнхий газрын спорт цогцолборт 2013 оны 03 дугаар сарын 25-ны өдөр амжилттай өндөрлөлөө. Тэмцээнд аймгууд болон Улаанбаатар хотын дүүргүүдээс эрэгтэй 26, эмэгтэй 8, нийт 34 багийн 450 гаруй тамирчин сурагчид өрсөлдлөө.
Эрэгтэйчүүдийн төрөлд Чингэлтэй дүүргийн Засаг даргын дэргэдэх Өсвөрийн шигшээ багийн сагсан бөмбөгийн “Чингэлтэй-Старс” багийнхан тэргүүлж “Улсын аварга”-ын цом өргөлөө. Багийн дасгалжуулагч багшаар Н.Мөнхбаяр ажилласан юм. Удаах байрт Баянхонгор аймгийн баг шалгарав.
Мөн шилдэг тоглогчоор “Чингэлтэй-Старс” багийн тамирчин, сурагч Энхийн-Од тодорч, алтан бөмбөгийн эзэн боллоо.