Чингэлтэй дүүргийн Засаг даргын Тамгын газраас 19 хорооны 196 хэсгийн ахлагч нарын уламжлалт Зөвлөлдөх уулзалтыг  1-6, 7-14, 15-19 дүгээр хороо гэсэн хуваарийн дагуу зохион байгуулж өндөрлүүлж байна. 2016 оны 3 дугаар сарын 24-нд 15-19 дүгээр хорооны Хэсгийн ахлагч нарын зөвлөлдөх уулзалт 16 дугаар хорооны Иргэний танхимд  болж Засаг даргын Тамгын газрын дарга Ж.Эрдэнэбат, Засаг даргын Тамгын газрын Захиргаа, хуулийн хэлтсийн дарга А.Дамцагдорж , тус хороодын Засаг дарга нар оролцлоо.

Засаг даргын Тамгын газрын дарга Ж.Эрдэнэбат зөвлөлдөх уулзалтыг нээж , зөвлөлдөх уулзалтад оролцогсдод  амжилт хүсэв.  Засаг даргын Тамгын газрын хэлтсүүдэд  15-19 дүгээр хорооны Хэсгийн ахлагч нараас ирүүлсэн санал, хүсэлтийн биелэлтийн хэрэгжилтийг Захиргаа, хуулийн хэлтсийн дарга А.Дамцагдорж дэлгэрэнгүй танилцуулав. Мөн үеэр цахим сүлжээгээр иргэдэд мэдээллийг эрчимтэй хүргэх талаар холбогдох албаны мэргэжилтэн, ажилтнууд мэдээлэл өглөө.