Чингэлтэй дүүрэг “ХҮҮХДИЙН ХӨГЖИЛ, ТӨЛӨВШИЛД ЭЦЭГ ЭХИЙН ҮҮРЭГ, ОРОЛЦОО” сэдэвт зөвлөгөөн зохион байгууллаа
Хүн амын хөгжил, нийгмийн хамгааллын ажилтны өдрийг угтан зохион байгуулж буй “Нийгмийн хөгжил-Бидний оролцоо” аяны хүрээнд багш, сурагч, эцэг,эхийн хамтын ажиллагаа, эцэг эхчүүдийн сурган хүмүүжүүлэх мэдлэг чадварыг дээшлүүлэх зорилготой “Хүүхдийн хөгжил, төлөвшилд эцэг эхийн үүрэг, оролцоо” сэдэвт зөвлөгөөнийг 2016 оны 03 дугаар 23-ны өдөр зохион байгууллаа. Зөвлөгөөнд ерөнхий боловсролын сургууль, цэцэрлэгийн хүүхдүүдийн эцэг,эхийн төлөөлөл, нийгмийн ажилтнууд, цэцэрлэгийн арга зүйч нийт 180 гаруй хүн хамрагдсан.
37 дугаар сургуулийн Нийгмийн ажилтан Г.Ууганцэцэг “Хүүхдийн хөгжилд эцэг эхийн оролцоо”, 37 дугаар сургуулийн сурагч Г.Амарбаясгалан “Эцэг эхдээ хүргэх бидний үг” , 126 дугаар цэцэрлэгийн багш М.Түвшинжаргал “Бүтээлээр бага насны хүүхдийг хөгжүүлэх нь”, Монголын үг урлаачдын нийгэмлэгийн тэргүүн Г.Бандицэрэн “Хүний хөгжил” сэдвээр тус тус илтгэл тавилаа.