Хүүхэд залуусын авьяас билгийг нээн хөгжүүлэх, иргэдэд соёл урлагаар үйлчлэх, иргэдийн чөлөөт цагийг зөв боловсон, үр ашигтайгаар өнгөрүүлэх зорилгоор дуу хөгжмийн, морин хуур, төгөлдөр хуурын болон бүжгийн дугуйланг дүүргийн Соёлын төвд хичээллүүлж байна. Дугуйланд 1 жил гаруйн хугацаанд 100 гаруй хүүхэд хамрагджээ. Дугуйлангийн сурагчид “Гэгээн алсын одод”, “Бий биелгээний VI наадам”, “Ая эгшгийн 6 жигүүр”, “Уртын дуу 2016” тэмцээнүүдэд өөрсдийн авьяас чадвараа сорьж амжилттай оролцсон юм.