ЧИНГЭЛТЭЙ ДҮҮРГИЙН ХҮҮХДИЙН НОМЫН ӨРГӨӨГӨӨР ҮЙЛЧЛҮҮЛЭХ ХҮҮХДИЙН ТОО НЭМЭГДЭЖ БАЙНА
Хүүхдийн номын өргөө нь хүүхэд залууст номоор үйлчлэх түүгээр дамжуулан түүх, өв соёл, танин мэдэхүйн мэдлэг боловсрол олгох, чөлөөт цагийг үр бүтээлтэй өнгөрүүлэх зорилгоор 7 хоногийн 6 өдөр ажиллаж байна.
Номын жагсаалтыг цахим номын санд оруулж үйлчлүүлэгч хүүхдүүддээ дөхөм болгох үүднээс номыг дан ганц зохиогч, номын нэрээр хайгаад зогсохгүй хавтасны зураг, хуудасны тоо, ISBN-ийн дугаар, гол утга санааг нь түлхүүр үг болгон хайдаг болгож байна.
Номын өргөө нь үүд хаалгаа нээснээс хойш 4 сарын хугацаанд тус дүүргийн хүүхдүүдэд үйлчлээд зогсохгүй хөдөө орон нутгаас Улаанбаатар хотод амралтаараа ирсэн, болон бусад дүүргийн хүүхэд багачууд ч ирж үйлчлүүлж байна.
Мөн дүүргийн иргэд, номын сангийн мэргэжлээр суралцаж буй оюутан залуус туршлага судлахаар ирж байна. 7 хоногт дунджаар 300 гаруй хүүхэд үйлчлүүлдэг. Номын өргөөгөөр үйлчлүүлэх хүүхдийн тоо өдрөөс өдөрт нэмэгдэж байна.