Чингэлтэй дүүргийн Засаг даргын Тамгын газар, Боловсролын хэлтэс, Хүүхэд, гэр бүл хөгжлийн төв, Цагдаагийн 1,2 дугаар хэлтэс, ДЗМОУБ-ын Чингэлтэй орон нутгийн хөгжлийн төв хамтран Ерөнхий боловсролын сургуулийн сурагчдын дунд “Зөв хүүхэд-Зөв сонголт 2016” дэвжээ тэмцээнийг зохион байгууллаа.

Тэмцээний зорилго нь сурагчдын хорт зуршлын хэрэглээ болон үе тэнгийнхний дарамт, хүчирхийллийн хор хөнөөлийн талаар ойлголт мэдлэгийг нэмэгдүүлэх, хүүхдийн тусламжийн утас 108 болон хүүхдийн оролцооны талаар зөв мэдээллийг сурталчлах аж.

Тус тэмцээнд 12 сургуулийн 96 сурагч авхаалж самбаагаа сорьж оролцож, 1-р байрт 117-р сургууль, 2-р байрт 50-р дунд сургууль, 3-р байрт 5-р дунд сургууль, тусгай байранд 39-р сургууль тус тус шалгарлаа.