ЧИНГЭЛТЭЙ ДҮҮРЭГТ “ДӨЛ” ТЭМЦЭЭН АМЖИЛТТАЙ ӨНДӨРЛӨЛӨӨ
Чингэлтэй дүүргийн ерөнхий боловсролын сургуулийн ахлах ангийнхны дунд жил бүр зохион байгуулдаг уламжлалт “Дөл” тэмцээний хоёрдугаар шатны шалгаруулалт 2016 оны 03 сарын 9-ний өдөр Онцгой байдлын ерөнхий газрын “Аврагч” спорт цогцолборт боллоо.
Тэмцээний нээлтэд дүүргийн Засаг дарга Д.Ганболд, Засаг даргын Хөдөлмөр эрхлэлт, нийгмийн хөгжлийн асуудал хариуцсан орлогч Ж.Лхагвасүрэн, Байгаль орчин ,ногоон хөгжлийн асуудал хариуцсан орлогч Б.Батхуяг, Засаг даргын Тамгын газрын дарга Ж.Эрдэнэбат, Засаг даргын Тамгын газрын Цэргийн штабын дарга, хурандаа Ж.Даваарагчаа болон алба, хэлтсийн дарга нар, сургуулийн захирал, багш нар, сурагчид оролцов. Тэмцээнийг дүүргийн Засаг дарга Д.Ганболд нээж, баг тамирчдад амжилт хүслээ. Энэ жилийн “Дөл” тэмцээнд ерөнхий боловсролын 12 сургуулийн 420 сурагч авхаалж самбаа, хүч чадал, авьяасаа сорин өрсөлдлөө.