Монгол улсын Засгийн газрын 2014 оны “Гэр оронгүй тэнэмэл амьдралтай иргэдийг нийгэмшүүлэх талаар авах арга хэмжээний тухай” 137 дугаар тогтоол, Нийслэлийн Иргэдийн Төлөөлөгчдийн Хурлын Тэргүүлэгчдийн 2015 оны 187 дугаар тогтоолоор батлагдсан “Гэртээ харих зам” хөтөлбөрийн хүрээнд Чингэлтэй дүүргийн Засаг даргын 2016 оны 02 дугаар сарын 08-ны өдрийн А/72 дугаар захирамжаар “Ажлын хэсэг” байгуулагдан, төлөвлөгөө гарган ажиллаж байна.
Энэ ажлын хүрээнд “Гэртээ харих зам” хөтөлбөрийн танилцуулга, мэдээллийг Чингэлтэй дүүргийн Нийгмийн хөгжлийн хэлтэс, Нийслэлийн Нийгмийн халамж, үйлчилгээний газартай хамтран зохион байгуулсан ба арга хэмжээнд хороодын Засаг дарга, хөгжлийн нийгмийн ажилтан, халамжийн мэргэжилтэн зэрэг 50 гаруй төрийн албан хаагчид хамрагдлаа.