Хан-Уул дүүргийн 10 дугаар хорооны Засаг дарга А.Бумчумаагийн санаачилгаар тус хорооны 3 дугаар хэсгийн иргэд өнөөдөр буюу 02.29-ны өдөр дүүргийн удирдлагуудтай уулзаж санал солилцлоо.

Тус уулзалтанд Хан-Уул дүүргийн ИТХ-ын дарга Д.Батбилэг, Засаг дарга Ж.Ганхуяг, 10 дугаар хорооны Засаг дарга А.Бумчумаа нар оролцож дүүрэгт хийгдсэн ажлын тайлан болон 2016 онд хийх ажлын төлөвлөгөөгөө иргэдэд танилцууллаа. Мөн хорооны иргэд дүүргийн “Иргэдэд үйлчлэх төв байр”-ны үйл ажиллагаа болон Хан-Уул дүүрэгт хийгдсэн бүтээн байгуулалтын томоохон ажлуудыг үзэж танилцжээ.