Чингэлтэй дүүргийн Хөдөлмөрийн хэлтсээс “Баялаг бүтээгчдийн анхдугаар уулзалт, зөвлөгөөн”-ийг  Монголын Үйлдвэрчний Эвлэлийн Соёлын Төв ордонд 2016 оны 02 дугаар сарын 29-ний өдөр зохион байгуулна.

Зөвлөгөөнд Хөдөлмөрийн яам, Аж үйлдвэрийн яам, Чингэлтэй дүүргийн Засаг даргын Тамгын газрын холбогдох хэлтэс, албадын төлөөлөл, өрхийн үйлдврэлэл эрхлэгчид  оролцож хэлэлцүүлэг хийх юм байна.

Тус зөвлөгөөнд Чингэлтэй дүүргийн 12 дугаар хорооны өрхийн үйлдвэрлэл эрхлэгч 20 иргэн оролцохоор болжээ.

Мөн тус уулзалт, зөвлөгөөний үеэр өрхийн үйлдвэрлэгчдийн үзэсгэлэн худалдаа гарна.