“Амжилтын эрэлд хамтдаа” компьютерийн ур чадварын тэмцээнийг зохион байгууллаа
“АЖИЛТАЙ, ОРЛОГОТОЙ МОНГОЛ ХҮН - ХӨДӨЛМӨРЧ ДҮҮРЭГ” зорилтын хүрээнд ажил, мэргэжилгүй иргэдэд мэргэжлийн чиг баримжаа олгож ажилтай болгох зорилгоор Албан бус-Насан туршийн боловсролын төв компьютерийн анхан, дунд, гүнзгий сургалтын зохион явуулдаг. Сургалтыг иргэдийн хэрэгцээ шаардлагад нийцсэн, богино хугацаанд, чанартай зохион явуулахаар ажилладаг юм.
Энэ ажлын хүрээнд 2 дугаар сард компьютерийн сургалтанд хамрагдсан суралцагсдын сургалтын явц, үр дүнг тооцон “Амжилтын эрэлд хамтдаа” компьютерийн ур чадварын тэмцээнийг зохион байгууллаа. Тэмцээнийг 10-н хуруугаар хэн хамгийн хурдан бичих вэ?,Microsoft office word, Microsoft office excel, Microsoft power point, интернэтийн орчинд файл илгээх зэрэг 4 үндсэн үзүүлэлтээр дүгнэж дараах байруудыг тодрууллаа.
1-р байранд ХУД-ийн 6 дугаар хорооны иргэн Р.Отгонтуяа
2-р байранд ХУД-ийн 3 дугаар хорооны иргэн Б.Сайнчимэг
3-р байранд ХУД-ийн 3 дугаар хорооны иргэн С.Номин-Эрдэнэ нар шалгарч өргөмжлөл, үнэ бүхий зүйл дурсгав. Тэмцээнд идэвхтэй оролцсон суралцагсдадаа цаашдын ажил хөдөлмөрт нь өндөр амжилт хүсье.
ХУД-ийн Албан бус- Насан туршийн боловсролын төв