Сар шинийн баяраар ЧД-т хариуцлагатай эргүүл,жижүүрээр 316 хүн ажиллалаа
Сар шинийн баярын өдрүүдэд Чингэлтэй дүүргийн ЗДТГ-ын даргын 2016 оны “Хариуцлагатай жижүүр томилон ажиллуулах тухай” А/37 дугаар тушаалаар ЗДТГ болон дүүргийн 19 хороод бэлэн байдлын зэрэгт шилжин хариуцлагатай эргүүл, жижүүр хийж ажиллалаа.
Тодруулбал 2016.02.08-ны өдрөөс 2016.02.12-ны хооронд 17.00 цагаас 08.00 цаг хүртэл ЗДТГ-т 14, 1-19 дүгээр хороонд 302 ажилтан, албан хаагч хариуцлагатай эргүл, жижүүрийн үүрэг гүйцэтгэсэн байна.
Үүнд:
– 2016 оны 2 дугаар сарын 8-ны өдөр 8 дугаар хорооны цэвэр усны шугам хөлдсөнийг ЗДТГ-ын Аж ахуйн тасаг Онцгой байдлын хэлтэст мэдээлж, шуурхай шугамыг засварласан байна.
– 2 дугаар сарын 10-ны өдөр 9 дүгээр хороонд байрны цахилгаан зуухны автомат тохируулагч унасан зөрчлийг Аж ахуйн тасгийн ажилтан, цахилгаан түгээхийн ажилтнууд арга хэмжээ авч ажилласан.
– 3 дугаар хорооны 19 дүгээр байрны орчим бага насны хүүхэд төөрсөн байсныг Цагдаагийн хэлтэст мэдэгдэж гэр бүлийнхэнд нь хүргүүлсэн.
– 2 дугаар сарын 11-ны өдөр 11 дүгээр хорооны нутаг дэвсгэрт цэвэр усны шугам задарснаас явган болон авто зам руу урсан хальтиргаа үүсгэснийг холбогдох газарт, 14 дүгээр хороонд гудамжинд согтуу хүн унтаж байсныг Цагдаагийн 2 дугаар хэлтэст мэдээлж шаардлагатай арга хэмжээг тус тус авхуулсан байна.