Өнөөдөр буюу 2 дугаар сарын 17-ны өдөр Чингэлтэй дүүргийн Засаг дарга Д.Ганболд БНТУ-ын Анкара хотын Синжан дүүргийн Хот дахин төлөвлөлтийн газрын дарга Өнал Баяр, Төслийн газрын дарга Гүнэш Каплан нарыг хүлээн авч уулзлаа.

Уулзалтад Засаг даргын Хөдөлмөр эрхлэлт, нийгмийн хөгжлийн асуудал хариуцсан орлогч Ж.Лхагвасүрэн, ЗДТГ-ын Санхүү, төрийн сангийн хэлтсийн дарга Ж.Орхонбаяр, Эдийн засаг, төлөвлөлтийн хэлтсийн дарга С.Янжинхорлоо нар оролцлоо. Засаг дарга Д.Ганболд гадны төлөөлөгчдөд дүүргийнхээ талаар товч танилцуулж, гэр хорооллын дахин төлөвлөлтийн талаар санал солилцсон байна.