ӨнөөдөрӨнөөдөр нийслэлд болох зарим үйл явдал
09.00 цагт: Энэ жил БСШУ-ны сайдын тушаалаар зөвлөх зэрэг авсан нийслэл орон нутгийн 50 багш нар Багшийн хөгжлийн ордонд сэтгүүлчидтэй уулзана. Утас: 99058414
09.00 цагт: “Шүүгчийн ёс зүй ба хариуцлага” сэдэвт хэлэлцүүлэг Шүүхийн ерөнхий зөвлөлийн байранд болно. Энэхүү хэлэлцүүлэгт Шүүхийн ерөнхий зөвлөлийн дарга, гишүүд болон Шүүхийн ерөнхий зөвлөлийн Гүйцэтгэх нарийн бичгийн дарга, хууль зүйн ухааны доктор Т.Мэндсайхан, Улсын дээд шүүхийн Эрүүгийн хэргийн танхимын тэргүүн, Шүүхийн мэргэшлийн хорооны дарга, хууль зүйн ухааны доктор Т.Уранцэцэг, Хуульчдын холбооны Мэргэжлийн хариуцлагын хорооны дарга, УЕП-ын орлогч Г.Эрдэнэбат, Шүүхийн мэргэшлийн хорооны гишүүн, МУИС-ийн ХЗС-ийн дэд профессор Б.Амарсанаа, Шүүхийн судалгаа мэдээлэл, сургалтын хүрээлэнгийн захирал, хууль зүйн ухааны доктор Ц.Мандах, Шүүхийн ёс зүйн хорооны гишүүн, МУИС-ийн ХЗС-ийн дэд профессор, хууль зүйн ухааны доктор О.Мөнхсайхан нарын хуульч, шүүгчид оролцох юм. Утас: 98980404, 91912312
10.00 цагт: УИХ-ын Өргөдлийн байнгын хорооны гишүүд Эрүүл мэнд, спортын яаманд ажилллана. Утас: 99991633, 86885060
10.00 цагт: "Байгууллагуудын хөдөлмөр, аюулгүй байдал, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх нь" сэдвээр зохион байгуулах сургалт, хэлэлцүүлэг Сонгинохайрхан дүүргийн тамгын газрын хурлын танхимд болно. Утас 91887887
10.00 цагт: "Хэрэглэгчийн жил"-тэй холбогдуулан зохион байгуулах "Нэгэн дээвэр дор" үндэсний арга хэмжээний нээлтийн ажиллагаа Төрийн ордонд болно.
11.00 цагт: Утаанаас хамгаалах бүх төрлийн бүтээгдэхүүнийг нэг дороос авах, түүнчлэн эрүүл мэндийн үнэ төлбөргүй зөвлөгөө авах боломжийг бүрдүүлсэн “Уушгиа чөлөөлье” сургалт, үзэсгэлэн МЗХ-ны Залуус танхимд болно. Утас: 88020633
11.00 цагт: Нийслэлийн МАН-аас Тусгаар тогтнолын ордны зургаан давхарын хурлын танхимд хэвлэлийн бага хурал зарлалаа.
11.00 цагт: 2016 оныг Хэрэглэгчийн жил болгон зарласантай холбогдуулан хэрэглэгчийн эрхийг хамгаалах нийгэмлэгүүд хамтран ажиллах гэрээ байгууах арга хэмжээ Нийслэлийн Төр захиргааны IV байрны 605 тоотод болно. Утас: 96982244
11.30 цагт: "Bros Records Mongolia" хөгжмийн компаний "Ертөнц" цувралын хоёр дахь цомог болох "Байгаль" цомгийн нээлт "Blue sky" цамхагийн "Topaz" танхимд болно.
14.30 цагт: Хөдөлмөр эрхлэлтийн үйлчилгээ, судалгаа, мэдээллийн үндэсний төвийн 5 давхрын хурлын танхимд "Хөдөлмөрийн зах зээл, Хөдөлмөр эрхлэлтийн судалгаа, шинжилгээний тайлан танилцуулах арга хэмжээ" болно.
