Хан-Уул дүүргийн ИТХ энэ онд ээлжит бус гурван удаа, Тэргүүлэгчдийн хуралдаан 26 удаа хуралдаж бүгд 97 асуудал хэлэлцэж, 85 тогтоол баталж хэрэгжилтэнд нь хяналт тавин ажиллажээ. Дүүргийнхээ 16 хороодын Иргэдийн нийтийн хуралууд, Тэргүүлэгчдийн хурлыг 162 удаа зохион байгуулж 274 асуудлыг хэлэлцэж 245 шийдвэр гаргасан бөгөөд иргэдээс нийт 352 өргөдөл гомдол хүлээн авч, холбогдох дээд байгууллагад уламжилж, мөн өөрсдөө шийдсэн байна. 2015 оны Хан-Уул дүүргийн эдийн засаг, нийгмийн хөгжлийн зорилтын биелэлтийн үр дүнг дүгнэж, ирэх 2016 оны зорилт, Орон нутгийн төсөв батлах, газар зохион байгуулалт зэрэг иргэдэд чиглэсэн, дүүргээ хөгжүүлэх ажлаа өнөөдрийн хуралдаанаар хэлэлцэн батлах юм байна.

 Хурал эхэлж Эдийн засаг төлөвлөлтийн хэлтсийн дарга Л.Доржбат энэ онд хийсэн ажлаа тайлагнаж байна. Энэ жил хийхээр төлөвлөсөн нийт ажлын 92.1% нь бүрэн биелэлттэй гарсан байна.