“Дэлхийн улс оронд суралцагч Монголын оюутан, залуучуудын холбоо” нь Монголд анх удаа Улаанбаатар хотын нийт 9 дүүргийн оюутан залуучуудад дэлхийн хэл болох англи хэлийг богино хугацаанд чанартай эзэмшүүлэх зорилготойгоор 21 хоногийн сургалтыг 2015 оны 10 дугаар сарын 01-нээс 10 дугаар сарын 21-ний хооронд Төвийн бүс (1, 2, 3, 11, 15-р хороо) дүүргийн Соёлын ордны Иргэний танхимд, Яармагийн бүс (4, 5, 6, 7, 8-р хороо) 34-р сургууль дээр, Нисэхийн бүс ( 9, 10, 12, 13, 14, 16-р хороо) 10-р сургууль дээр тус тус зохион байгуулж байна.

    Тус сургалтад Хан-Уул дүүргээс 200 залуус оролцож байгаа бөгөөд үүнээс амжилттай хамрагдсан 5 залуу нийслэлд өрсөлдөн, ялсан нэг ялагч Сингапур улсад 1 жилийн хэлний бэлтгэлд хамрагдах юм.

    Төслийн ивээн тэтгэгч Жи-Мобайл компани сургалтанд оролцож байгаа нийт залуусдаа 1 гега байтын дата эрхтэй утасны дугаар бэлэглэхээ мэдэгдлээ.