МИАТ компанийн 70 жилийн ойн хүрээнд ХУД ЗДТГ-ийн 50 жилийн ойг тохиолдуулан дүүргийн  Нэгдсэн эмнэлэгт  “Үйлчлүүлэгчдэд ээлтэй загвар тасаг”-ийг бүрэн тохижуулан хүлээлгэн өгөх арга хэмжээ өнөөдөр дүүргийн Нэгдсэн эмнэлэгт боллоо. Нээлтийн үйл ажиллагаанд МИАТ компанийн гүйцэтгэх захирал Г.Жаргалсайхан, ХУД-ын Засаг дарга Ж.Ганхуяг, Нэгдсэн эмнэлгийн дарга Д.Бааст, МИАТ компанийн дэд захирал Н.Ганболд нар оролцлоо. МИАТ компанийн энэхүү сайн үйлсийн аян нь дүүргийн иргэдийн эрүүл мэндийг дэмжих, сахин хамгаалах үйлсэд үнэтэй хувь нэмэр оруулж, эмнэлгийн тусламж үйлчилгээний чанар хүртээмжийг дээшлүүлэхэд бодитой хөрөнгө оруулалт боллоо. Энэхүү  “Үйлчлүүлэгчдэд ээлтэй загвар тасаг”-ийг МИАТ компаниас 15 сая төгрөгөөр иж бүрэн тохижуулсан байна.