Монгол Улсын Ерөнхийлөгчийн 2010 оны  63 дугаар зарлигийн дагуу Бүх нийтээр мод тарих“үндэсний өдөр”зарлигийг хэрэгжүүлэх, иргэдийн ажиллаж, амьдрах таатай орчин бүрдүүлэх, дүүргийн ногоон байгууламжийг нэмэгдүүлэх зорилготойгоор 2015 оны 5 дугаар сарын 9-ны өдөр буюу Бямба гаригт бүх нийтээр мод тарих үйл ажиллагаа зохион байгуулагдана.

Хан-Уул дүүргийн 50 жилийн ойн хүрээнд 2015 онд 50000 ширхэг мод, бут сөөг тарихаар төлөвлөж байгаатай уялдуулан дүүргийн нутаг дэвсгэрт үйл ажиллагаа эрхэлж байгаа ААНБ, иргэд, Сууц өмчлөгчдийн холбоод, Сургууль, Цэцэрлэгүүд өөрсдийн эзэмшлийн хашаандаа мод тарихаар бэлтгэл ажил хангагдаж ажиллаж байна.