ХУД-ийн Нийгмийн халамж, үйлчилгээний хэлтсээс уламжлан болгон зохион явуулдаг “Өглөө хөтөлбөр”-т  2015 оны 04 сарын 22-ны өглөө 8 цаг 30 минутад  Хан-Уул дүүргийн Засаг даргын Хөдөлмөр, нийгмийн бодлогын асуудал хариуцсан орлогч дарга  Д.Анхбаяр, Засаг даргын Тамгын газрын дарга Б.Бат-Очир, Нийгмийн хөгжлийн хэлтсийн дарга Б.Булган нарыг урьж оролцууллаа. Тус хэлтсийн 2014 онд хийж гүйцэтгэсэн болон 2015 хийж хэрэгжүүлж байгаа ажлынхаа талаар дарга Б.Бадамсүрэн дэлгэрэнгүй танилцууллаа. Хүрэлцэн ирсэн дүүргийн удирдлагууд өөр өөрсдийн санал бодлоо хэлж, тус хэлтэс нь нийгмийн халамжийн хуулийн дагуу төрөөс хэрэгжүүлж байгаа бодлого зорилтыг амжилттай хэрэгжүүлж байгаагийн зэрэгцээ, зорилтот бүлгийн иргэдийн төлөө санаачилж хийсэн ажлууд олон байгааг цохон тэмдэглэлээ. Хэлтсийн хамт олны зүгээс дүүргийн удирдлагуудад өөрсдийн тулгамдаж байгаа асуудлынхаа талаар уламжиллаа.