ОБЕГ, АНУ-аас Монгол Улсад суугаа Элчин сайдын яам, АНУ-ын Номхон далайн хуурай замын цэргийн командлал хамтран “Говийн чоно-2015” газар хөдлөх гамшгийн хор уршгийг арилгах, туршлага солилцохоор өнөөдөр Хан-Уул дүүргийн Эрүүл мэндийн нэгдэл дээр хээрийн сургуулилт хийлээ.

Тус  сургуулилтад Хан-Уул дүүргийн Онцгой байдлын хэлтэс, Гамшгаас хамгаалах улсын албад, АНУ-ын Ази Номхон далайн хуурай замын цэргийн командлал, Аляскийн үндэсний гварди, хүмүүнлэгийн тусламжийн олон улсын байгууллагууд оролцсон юм. Дөрөв дэх удаагаа зохион байгуулагдаж буй “Говийн чоно-2015”-д Нийслэлийн “Хан-Уул” дүүргийн Засаг дарга Ж.Ганхуяг хүрэлцэн ирлээ.