Улаанбаатар  цэвэр агаар төслөөс “Иргэний оролцоог дэмжих” сэдэвт сургалтыг өнөөдөр НЗДТГ болон “Хан-Уул” дүүргийн Засаг даргын тамгын газартай хамтран зохион байгууллаа. Уг сургалтанд тус дүүргийн Тамгын газрын дэргэдэх хэлтэс албадын 50 гаруй ажилтныг оролцуулсан өргөн цар хүрээтэй болж буйгаараа онцлогтой байна. Энэ үеэр “Хан-Уул” дүүргийн Засаг даргын орлогч С.Баасандолгор хэлэхдээ “ Өнөөдрийн энэхүү сургалт нь “Хан-Уул” дүүргийн нийт ажилтан албан хаагчдын өдөр тутмын үйл ажиллагаанд төр, иргэдийн оролцоог нэмэгдүүлэх зорилготой юм. Ерөнхийлөгчөөс гаргасан санаачилга иргэдийн оролцоог нэмэгдүүлэх, төрийн үнэлгээнд иргэн бүр өөрийн дуу хоолойгоо хүргэж ажиллахад төрийн албан хаагчдыг мэргэшүүлж дадлагажуулах нь хамгийн чухал байдаг. Энэхүү сургалтанд бид төрийн үйлчилгээг иргэдэд хүргэдэг, тэдэнтэй хамгийн ойр ажилладаг хүмүүсийг сонгон шалгаруулсан” гэлээ.