МХЕГ болон НМХГ  Хан-Уул дүүргийн цагдаагийн хэлтэс, дүүргийн Худалдаа үйлчилгээний хэлтэстэй хамтран хоёр удаагийн шөнийн шалгалт хийжээ. Уг шалгалтанд нийт  75 аж ахуйн нэгж, байгууллага, 10 иргэн хамрагдсан байна.  Үүнээс есөн  аж ахуйн нэгжид зөрчил илэрч албан шаардлага хүргүүлсэн байна. Мөн стандартын шаардлага хангахгүй нөхцөлд үйл ажиллагаа явуулж байсан дөрвөн  аж ахуйн нэгж байгууллагад 250.0 мянга, албан тушаалтанд 768.0 , тусгай зөвшөөрөлгүй тамхи худалдан борлуулж байсан гурван  иргэнд  60.0, хууль бусаар олсон орлого 90.0, 293.2 мянган төгрөгийн торгуулийг тус тус оноожээ.   Түүнчлэн  12 нэр төрлийн 129 ширхэг тамхи хураан авч улсын байцаагчийн акт тогтоож ажилласан байна.