Малчид, ард иргэдийн анхааралд: Ихэнх нутгаар хүйтний эрч чангарахыг анхааруулж байна.

2015 оны нэгдүгээр сарын 26-ны 08 цагаас 20 цаг хүртэл: Баруун зүгийн нутаг болон зүүн зүгийн нутгаар үүлшинэ. Бусад нутгаар солигдмол үүлтэй. Баруун зүгийн нутгийн өмнөд хэсгээр бага зэргийн цас орж, цасан шуурга шуурна. Бусад нутгаар цас орохгүй. Салхи баруун зүгийн нутгаар зүүн өмнөөс, бусад нутгаар баруун хойноос секундэд 5-10 метр, Алтайн салбар уулсаар секундэд 12-14 метр хүрч ширүүснэ. Хүйтний эрч чангарч Увс нуур болон Дархадын хотгороор 23-28 хэм, Идэр, Тэс, Эгь-Үүр, Орхон, Сэлэнгэ, Хараа, Ерөө, Туул, Тэрэлж голын сав газраар 19-24 хэм, Алтайн өвөр говь болон Говийн бүс нутгийн өмнөд хэсгээр 7-12 хэм, Говийн бүс нутгийн хойд хэсэг болон цас багатай нутгуудаар 12-17 хэм, бусад нутгаар 15-20 хэм хүйтэн байна.

УЛААНБААТАР ХОТ: Багавтар үүлтэй. Цас орохгүй. Салхи хойноос секундэд 5-10 метр. Хүйтний эрч чангарч өдөртөө 17-19 хэм хүйтэн байна.

Өглөө 05 цагт Улаанбаатарт: 26 хэм хүйтэн, харьцангуй чийг 74 хувь, агаарын даралт 884 гектопаскаль байлаа. Даралт өдөртөө буурна.

2015 оны нэгдүгээр сарын 27-ноос нэгдүгээр сарын 31-нийг хүртэлх
цаг агаарын урьдчилсан  төлөв

Нэгдүгээр сарын 27-нд нутгийн баруун өмнөд хэсгээр, 28-нд зарим газраар, 29-нд нутгийн зүүн хэсгээр цас орно. Салхи 27-нд Алтайн салбару уулсаар, 28-нд зарим газраар секундэд 12-14 метр хүрч ширүүснэ. Увс нуур болон Дархадын хотгор, Идэр, Тэс, Ерөө голын сав газраар шөнөдөө 36-41 хэм, өдөртөө 23-28 хэм, Хүрэн бэлчир, Эгь-Үүр, Сэлэнгэ, Хараа, Туул, Тэрэлж, Хэрлэн, Онон, Халх голын сав газраар шөнөдөө 31-36 хэм, өдөртөө 19-24 хэм, говийн бүс нутгийн өмнөд хэсэг болон цас багатай нутгуудаар шөнөдөө 20-25 хэм, өдөртөө 8-13 хэм, бусад нутгаар шөнөдөө 24-29 хэм, өдөртөө 13-18 хэм хүйтэн байна.