“Мишээл групп”ХХК, “Монголын Ноос Ноолуурны Холбоо”-ноос хамтран зохион байгуулдаг “Монгол Гоёл 2015” үзэсгэлэн худалдааг хоёр дахь жилдээ 2015.01.22-носс 2015.01.25-нд “Мишээл Экспо” төвийн үзэсгэлэнгийн танхимд 4 өдрийн турш зохион байгуулагдана.

Энэхүү үзэсгэлэнгээр дотоодын жижиг дунд үйлдвэрийн салбарт үйл ажиллагаа явуулж байгаа албан байгууллага, хувь хүмүүсийн бүтээгдэхүүн үйл ажиллагааг дэмжиж, олон нийтэд сурталчилан таниулахаар Монгол түмний уламжлалт “Цагаан Сар”-ын баярыг угтан нийт 130 гаруй хувь хүн болон албан байгууллагын бараа бүтээгдэхүүнийг үйлдвэрийн үнээр хэрэглэгчдэдээ нэг дороос худалдан авах өргөн боломжийг олгох зорилготой юм.