Нийслэлийн Хан дүүргийн Онцгой байдлын хэлтэс 2014 оны тайлангийн хурлаа дүүргийнхээ Соёлын ордны бага танхимд 2014 оны 12 дугаар сарын 30-ны өдөр зохион байгууллаа. Хурлын үйл ажиллагааг Хан-Уул дүүргийн Онцгой байдлын хэлтсийн дарга, онцгой байдлын хурандаа А.Дашням нээсэн бөгөөд 2014 онд дэвшүүлсэн зорилтын хүрээнд авч хэрэгжүүлсэн үйл ажиллагааны талаар хэлтсийн нийт бие бүрэлдэхүүнд танилцуулсан юм. Хан-Уул дүүргийн онцгой байдлын хэлтсийн дарга, онцгой байдлын хурандаа А.Дашням, хэлтсийн зөвлөл дараах нэр бүхий алба хаагчдыг 2014 оны Хөдөлмөрийн аваргаар тодруулж, шагналыг нь гардууллаа.

-       2014 оны шилдэг ангийн захирагчаар Аврах гал унтраах 30 дугаар ангийн захирагч, онцгой байдлын дэд хурандаа Т.Тэгшбаяр

-       2014 оны шилдэг салааны захирагчаар Аврах гал унтраах 14 дүгээр ангийн салааны захирагч, онцгой байдлын ахлах дэслэгч М.Батсайхан

-       2014 оны шилдэг жолоочоор Аврах гал унтраах 14 дүгээр ангийн жолооч, онцгой байдлын ахлагч Т.Болдбаяр

-       2014 оны шилдэг аврагч, гал сөнөөгчөөр Аврах гал унтраах 65 дугаар ангийн гал сөнөөгч, онцгой байдлын ахлагч Б.Баянбаатар

-       2014 оны шилдэг дуудлага хүлээн авагчаар Аврах гал унтраах 14 дүгээр ангийн дуудлага хүлээн авагч, онцгой байдлын ахлах ахлагч Ц.Баярмаа

-       Онцгой байдлын хэлтсийн даргын нэрэмжит “Тэргүүний албан хаагч”-аар Автын механик, онцгой байдлын ахмад Ж.Ганхуяг нар тус тус шагнагдсан байна.