11.00 Дугуйтай 100 Сантагийн парад Сүхбаатарын талбай дээрээс гараагаа эхэлнэ. Парадад оролцогчид Баруун дөрвөн зам-Зүүн дөрвөн зам-25 дугаар тусгай дунд сургууль гэсэн маршрутаар явж нийслэлчүүддээ шинэ жилийн мэнд хүргэн хөгжлийн бэрхшээлтэй хүүхдүүдийг баярлуулах юм байна.

12.00 Баянгол дүүргийн Засаг даргын Тамгын газрын санаачилгаар дүүргийн хэмжээнд үйл ажиллагаа явуулж буй төрийн болон төрийн бус байгууллага, аж ахуй нэгж, ерөнхий боловсролын сургууль, цэцэрлэг, сууц өмчлөгчдийн холбоо, хувийн хэвшлийн байгууллагуудыг хамруулан 100 өвлийн өвгөнтэй баярын парад зохион байгуулна.  

12.00 "Тэнгэр" худалдааны төвд Төв аймгийн Өндөрширээт сумын “Ширээт хөгжил” хоршооны малчид, “Амин нутаг” ТББ, “Тэнгэр” худалдааны төвийн хамтран хэрэгжүүлж буй “Эрүүл мал, эрүүл хүнс, эрүүл түүхий эд” хөтөлбөрийн нээлтийн арга хэмжээ болно. Малчны хотноос эрүүл малын чанарын баталгаатай махыг зах зээлд шууд нийлүүлж байгаагаараа уг арга хэмжээ их онцлог юм.

13.00 Монгол Улсад орчин үеийн дипломат алба үүсч хөгжсөний 103 жилийн ойг тохиолдуулан Чин ван Ханддоржийн нэрэмжит шилдэг шатарчдын уламжлалт 24 дэх удаагийн тэмцээн Гадаад хэргийн сайдын ивээл дор амралтын өдрүүдэд үргэлжилнэ. Тэмцээний нээлт ГХЯ-нд болно.

15.00 Өрх толгойлсон аав, ээжүүдээ урамшуулах хүндэтгэлийн үйл ажиллагаа Улсын филармонид болно.