Хан-Уул дүүргийн Засаг Даргын Тамгын Газраас энэ сарын нэгнээс 20-ны хооронд "Хан-Уулын авьяастан-2014" зорилтот төслийг хэрэгжүүлж байгаа бөгөөд уг төслийн хүрээнд "Ажилчны урлагийн их наадам", "Цас ба хүүхдүүд уран зургийн уралдаан", "Морин хуурын бага наадам", Засаг даргын нэрэмжит "Амьд хөгжмийн наадам" гэсэн 4 төрлийн тэмцээнийг  зохион байгуулж байгаа ажээ.

Энэхүү төслийн эхний үйл ажиллагаа болох  "Ажилчны урлагийн их наадам"-ын 2 дахь үе шат өчигдөр тус дүүргийн  Соёлын ордонд зохион байгуулагдлаа. Ажилчны урлагийн их наадам"-д дүүргийн 16 хороо 9 байгууллагын 1800 гаруй ажилтан, албан хаагч нар оролцож, өргөн цар хүрээтэй болж өндөрлөлөө. Наадмын хоёрдугаар шатны шалгаруулалтын шилдгүүдийн шагналыг Хан-Уул дүүргийн Засаг дарга Ж. Ганхуяг, Засаг даргын орлогч Д.Азжаргал, Нийгмийн хөгжлийн хэлтсийн дарга Б.Булган болон бусад төлөөлөгч нар  гардууллаа. Тус наадмын шилдгүүдийн нэгдсэн гала тоглолт энэ сарын 12-ны 14 цагт Нийслэлийн Улаанбаатар чуулгын тайзнаа тоглогдох ажээ.