Зам, тээврийн сайдад нэр дэвшээд байгаа Н.Төмөрхүүг дээд сургууль төгссөн, төгсөөгүй гэдгээр маргаж эхэлсэн нь сайдуудыг томилж эхлээд байгаа энэ цаг үеийн “явган шог” болоод байна. Харин энэ талаар тухайн үед МУИС-ийн Мэдээллийн технологийн сургуулийн захирлаар ажиллаж байсан Ч.Лодойравсал цахим хуудаснаа жиргэж эхэллээ.

Түүний хэлснээр Н.Төмөрхүү МУИС-ийн Мэдээллийн технологийн сургуульд Ч.Лодойравсалтай хамт электроникийн ангид гурван жил хагасын хугацаанд сурч байгаад өөр сургуульд шилжсэн гэнэ. Хожим нь тус сургууль Физик электроникийн сургууль болон өргөжсөн. Тэрбээр хамт сурч байсан андыгаа чамгүй мэдэх хүний хувьд үгүйсгүүлээд дуугүй сууж чадаагүйдээ тэрбээр ийн жиргэсэн бололтой.

 Мөн тэрбээр өөрийнх нь санаачлан хөтөлдөг “Залуу зохион бүтээгч” нэвтрүүлэг, “Робокон” тэмцээний ерөнхий ивээн тэтгэгчээр ажиллан инженер суурьтай бизнесмэн болсонд нь талархаж явдаг ажээ.